Hadouken

Street Fighter Characters

Click niyo muna ang play button ng player bago basahin ang entry.

Ang inyong naririnig niyong maingay sa background ay mula sa first album ng The Youth na "Album na Walang Pamagat". Ito ay isang hidden track sa side B ng cassette tape kaya ang taytol nito malamang ay "Kantang Walang Pamagat". Kung pakikinggang mabuti, ang istoryang bunga ng malikot na pag-iisip ni Sir Robert Javier ay puwedeng bigyan ng pamagat na "Tindahan ng Patis ni Chun-Li".

Ganito kaadik sa STREET FIGHTER ang Dekada NoBenta. Ganito kami kaadik.

try mo ito, pwede na rin!! click mo lang 'yung nagbi-blink

Minsang nagla-lunch break kami ng mga ka-trio kong "kutings" noong nasa highschool pa kami ay biglang humirit si Ryan (ang Jomari naming tatlo; ako si Mark at si Noel naman ay si Eric) ng "Siguro ang hirap mag-hadouken sa totoong buhay. Kailangan ng buong energy para makapagpalabas ng 'fireball'. Ano sa tingin niyo?". Paksyet, 'di ko kinayang ibato sa mukha niya 'yung kinakain kong roast beef dahil napatulala ako sa sinabi niya. 

Nakakatawang isipin pero talagang ganun kami ka-seryoso sa buhay pagdating sa arcade game na ito. Ilang beses ko nang napanaginipan na isa ako sa mga character ng SFII - madalas ay napapasuntok ako habang tulog dahil sa panaginip ko ay ako si Ryu o si Ken na magkaparehas halos ng mga moves kahit na ang nauna ay galing Japan at ang huli ay galing sa America. Sila kasi ang madalas kong gamitin na characters dati nang unang ilabas ng Capcom ang Street Fighter II: The World Warrior noong 1991.

Hindi ko alam kung bakit SFII na kaagad eh hindi man lang nga namin nakita o nalaro ang prequel nito na Street Fighter. Ayon kay pareng Googs, lumabas ang unang series noong 1987 pa at ang characters lang dito ay sina Ken at Ryu na may tatlong special moves - ang hadouken o "wave motion fist", ang shoryuken  o "rising dragon fist", at ang tatsumaki senpuukyaku o "tornado whirlwind foot". Tulad ng isang true follower ng martial arts, dapat ay may skills ka sa paggalaw at pagpindot ng joystick para magawa ang mga special moves.

Ayon naman kay pareng Wiki, ang unang sequel ng SF ay ang Final Fight. Kung batang nineties ka na mahilig sa arcade ay alam mo ang larong ito sa Super Nintendo Entertainment System o SNES. Dahil hindi naging successful na i-promote ito as sequel ay inilabas ang SFII:TWW.

Ang original characters na puwede mong gamitin sa World Warrior ay sila Ken (USA), Ryu (Japan), Blanka (Brazil), E. Honda (Japan), Guile (USA), Chun-Li (China), Dhalsim (India) at Zangief (USSR). Kailangan mong talunin ang pitong characters bago ka makarating sa mga big bosses. Anytime din ay puwedeng mag-challenge sa iyo ang second player. Tandang-tanda ko pa kung gaano kahaba sa Paco Amusement sa SM Cubao ang nakapila sa "coin credits" para lang labanan ang mga magagaling. Sa kasikatan kasi ng larong ito ay 'di sapat ang mga machines para sa mga gamers kaya ang ginagawa ng iba ay naghuhulog na ng token coin para mag-reserve ng laro. Puwedeng maghintay kang ma-game over 'yung nauna o kaya naman ay puwede mong i-challenge kung sa tingin mo ay mas magaling ka sa kanya at naiinip na!

Sa walong characters, halos lahat ay paborito sila Ken at Ryu nga dahil sa kanilang malufet na move. Minsan ay ginagamit ko rin si E. (Edmond) Honda dahil sa kanyang mabilis na kamay. Madali kasing pataubin 'yung kalaban mo kapag na-corner mo na sa dulo at gagamitin ang "hundred violent sumo hands" ng dambuhalang sumo wrestler na lumilipad! Hirap akong gamiitin ang ibang characters lalo na sina Chun-Li at Guile.

May apat na big bosses sa international version, ang final boss ay si M.Bison (Thailand) habang ang tatlo sa likod niya sy sila Sagat (Thailand), Balrog (USA), at Vega (Spain). Kung medyo fanatic ka, alam mo na sa Japan version, si M.Bison ng international ay si Vega; si Balrog ng international ay si M. Bison; at si  Vega ng international ay si Balrog. Magulo ba? Hindi naman gaano dahil pinagpalit-palit lang ang names nila para hindi sila makasuhan ni Mike Tyson dahil sa character na binase sa kanya. Ang "M" sa M. Bison ay "Mike" kaya delikado sila sa kasong "likeness infringement lawsuit" pag nagkataon dahil sa parody.

Lumipas ang ilang buwan ay naglabas naman ang Capcom ng Street Fighter II' - Champion Edition (dash ang pag-pronounce ng mga Japanese sa apostrophe sign). Sa version na ito ay puwede mo nang gamitin ang apat na big bosses. At matapos ang ilang buwan pa ay naglabas naman ng Strret Fighter II' - Hyper Fighting. Sa version na ito ay marami na ang mga modifications dahil pwede ka na mandaya tulad ng pag-teleport ni Dhalsim at "magic handcuffs" ni Guile, at "flaming shoryuken" nina Ken at Ryu. Taena, ang daya ng version na ito kaya nakakaasar laruin! Dito rin unang nagpakita si Akuma, ang younger brother ni Gouken, ang sensei nina Ryu at Ken. Puwede mo siyang gamitin kapag tama ang pagpindot mo ng cheat code bago mo i-press ang start. Kapag malufet mo namang natapos ang stages nang hindi natatalo ay lalabas siya sa final match at papatayin si M. Bison para siya ang lalaban!

Ito yata ang una sa mga pinakamagandang one-on-one fighting game kaya masyadong nag-click sa mga kabataan at sa masa. Sa sobrang click nito dati ay nagkaroon pa nga ng Family Computer bootleg version kung saan puwede mong gamitin si Mario ng Super Mario Bros.! Paksyet talaga dahil ang alam lang gawin ni Mario ay tumalon at tumira! Natuwa naman ako ng magkaroon na ito ng version sa Sega dahil hindi na namin kailangang magsayang pa ng pera para lang makalaro kaming magkakapatid.

Natatandaan niyo rin ba nang lumabas noong 1994 ang American movie adaptation ng arcade game na ito kung saan bida si Jean-Claude Van Damme? Potah, sobra kaming na-excite at talaga namang inabangan namin. Pinag-ipunan ng pera para mapanood sa Megamall. Taena, taeng-tae ang Hollywood version na Street Fighter!!

Marami pang sumunod na mga versions ng arcade game tulad ng "Alpha", "Zero" at "EX" series. Nagkaroon rin ng Street Fighter III: The New Generation. Dumami ang mga character at dumami rin ang mga combo's at special moves. Nagkaroon pa nga ng mge "versus series" tulad ng X-Men vs. Street Fighter, Marvel Super Heroes vs. Street Fighter, at Marvel vs. Capcom. Balita ko nga ay mayroon ng Street Fighter IV na matindi na ang graphics at moves! Pero ganun pa man at masyado akong na-stuck sa SFII' dahil hanggang ngayon ay 'di ko pa rin ma-perfect ang mga special moves. Ginagawa lang akong punching bag ng mga utol ko lalo na ng bunso naming si Carlo kapag naglalaro kami!

Naaalala mo pa ba ang mga victory quotes ng mga characters? Kapag tinalo ka ni Ken ay sasabihan ka lang ng "Attack me if you dare, I will crush you!". Kapag kay Guile ka naman nabokya ay makakakita ka ng "Are you man enough to fight with me?". Kung 'di ka naman umubra sa likot ni Blanka ay makakatikim ka ng "Seeing you in action is a joke!". Ang lufet 'di ba? Mas naaalala ko pa sila kaysa sa mga famous quotations galing sa mga historical figures!

Pero ang pinakanaaalala ko sa lahat ay ang linya ng minaster kong character na si Vega. Tugmang-tugma kasi ito sa katauhan ko: "HANDSOME FIGHTERS NEVER LOSE A BATTLE!".