Take It, Take It

First of all, nagpapasalamat ako sa aking mga masugid na tagasubaybay. Kung wala kayo ay wala rin ako rito sa kinalalagyan ko ngayon. Kayo ang nagsilbing inspirasyon ko upang uminom ng gamot kontra limot para maalala  at maisulat ang mga kalokohan noong Dekada No Benta. Sa aking asawa na Supernanay din ng aming kambal na anak, sa inyo ko inaalay ang mga entries dito. Sa buong Maykapal na nagbibigay sa aking ng lakas ng loob para ipagpatuloy ang aking nasimulan, lubos akong nagpapasalamat at ibinabalik sa inyo ang karangalan. At sa lahat ng nakalimutan kong banggitin, salamat rin sa inyo...you know who you are!

Paksyet na intro, parang tumatanggap lang ng trophy sa isang awards night. Matagal ko nang nasa listahan ang topic na ito at next month ko pa sana  balak i-publish dahil quota na ako ngayong buwan pero nagulat kasi ako sa isa kong nabasang article mula sa Spot.PH kaya ihahabol ko ito. Maigsi lang ito promise - hindi kasi ako prepared for this entry.

Rewind tayo back to the year 1975, ang taon kung kailan unang ginanap ang Metro Manila Film Festival. Dito nagsimula nag tradisyon ng mga Pinoy na kapag Christmas Season ay puro Tagalog films ang ipinapalabas sa mga sinehan. Tumatagal ang pagtatampok ng sariling atin mula December 25 hanggang first week ng January ng susunod na taon. Wala kang magagawa kundi gastusin nalang ang aguinaldo nila ninong at ninang sa mga "quality films" na pinagbibidahan ng mga tinitingala nating local actors sa industriya. Highlight ng kasiyahan ang parada ng mga artista na nakasakay sa float sa opening ng festival. Sa awards night, kasamang nabibigyan ng parangal ng mga actors, producers, at directors ang mga float na nagpasikat sa parada. 

Ang pelikulang unang tumanggap ng award for "Best Picture" ay ang "Diligin Mo ng Hamog ang Uhaw na Lupa". Ito rin ang pelikulang nagbigay ng "Best Actor" award kay Erap at "Best Director" naman para kay Augusto Buenaventura. Ang award-giving body ay ang nagbigay din ng parangal sa mga di-malilimutang mga pelikula tulad ng "Burlesk Queen", "Bulaklak ng City Jail", "Karnal", at ang "Himala" na kinilala ng CNN bilang "Best Asia-Pacific Film of All Time" noong November 11, 2008.

Maganda ang hangarin ng MMFF. Bukod sa pagbibigay ng awards sa mga karapat-dapat ay nagiging daan ito upang kumita ang local movie industry. Fast forward to 1994 kung kailan ginanap ang 20th MMFF Awards Night. It's supposed to be a great celebration dahil pangalawang dekada na nilang idinadaos ang kanilang nasimulan. Isa sa mga inaabangan ng mga Pinoy kapag ipinapalabas ito sa teevee ay kung sino ang mananalo sa awards for "Best Actor" and "Best Actress". Ang presenters ng dalawang awards ay sila  diyosang Gretchen Barretto, younger brother ni Ruffa na si Rocky, at ang Miss World contestant na si Viveka Babajee (Miss Mauritius). Ang mga nanalong kanilang sinabi sa milyun-milyong nanonood ay sina Gabby Concepcion at Ruffa Gutierrez para sa pelikulang "Loretta". 

Para sa mga viewers, walang mali sa nangyari pero para kay Gretchen, isang scam ang naganap. Siya ang nagsilbing whistle blower sa ginawa ng dalawang anak ni Lolit Solis. Ayon sa kanya, kitang-kita ng dalawang mata niya na ang nanalong nakasulat sa envelope ay sina Edu Manzano at Aiko Melendez. Putok na putok ang controvery na ito during that time. Lahat ng diyaryo, radio stations, at mga showbiz programs sa teevee ay sila ang laman. Dito nauso ang famous line ni Viveka, ang "Take It, Take It!" na sinasambit niya habang inaabot ang envelope kay Rocky.

Nagkaroon ng investigations sa nangyari at napatunayan na ang mastermind sa scam ay walang iba kundi ang manager nilang si Lolit. Inutusan daw niya sina Rocky at Viveka (na mga anak niya ring mina-manage) na sila Gabby at Ruffa ang ipanalo. Nawala ang isyu. At nawalan din ng career ang mga artistang involved sa dayaan. Nagbalik nalang sila sa showbiz matapos ang ilang taon na pagpapalamig sa mata ng mga tao at media.

Ang naging "soundtrack" ng event na ito ay ang "Miss World" ng Hole na may lyrics na "I'm Miss World, watch me break and watch me burn...no one is list'ning my friend....".

Kanina ay nabasa ko sa Spot.PH ang balitang nag-suicide daw si Viveka kahapon, June 25, 2010. Pero wala itong kaugnayan sa MMFF. Heto ang video ng news on her suicide:

To the family of Ms. Viveka, our condolences.