Never Mind the Bollocks, Here's the 90's Best Gigs in Manila

Isa sa mga tinutugtog namin ng banda ko noong Dekada NoBenta ay ang "Bollocks sa Konsyerto" ng Chainsaw Abortion featured in "Young Angry Bands Vol. 1" compilation album. Ito ang tinugtog ng grupo kong Aneurysm sa RJ's Junior Jam na ipinpalabas sa RJTV29 tuwing Linggo. Nakakatawa lang dahil napanood yata ng clammate kong si Ryan ang gig namin at hindi niya napansing kasama ako sa tnutukoy nia nang sabihan niya ako ng "Mukhang tanga yung tumugtog kagabi, bollocks sa konsyerto. Ano ba yun?".

Bollocks is a British slang referring to the testicles. Dito sa Pinas, kilala ang term na ito as an adjective to concert goers na kupal. Yung naniniko, nanununtok, at intentionally na nananakit during slam dances.

Buti nalang sa mga nadaluhan kong mga konsyerto sa ibaba, walang bollocks!

MTV ALTERNATIVE NATION TOUR - 3 in 1 ROCK CONCERT

Foo Fighters, Beastie Boys, Sonic Youth

January 20, 1996, Araneta Coliseum

This concert is probably the "bestest" concert of our era. The bands that played here are three of the foundations of alternative music. One thing I learned from this gig, always be on time!! Akala kasi namin kasi ay Filipino time ang orasan nung mga producers nito. Nag-rehearse pa kami ng banda kong Demo From Mars sa Alberto's Studio sa Annapolis, Cubao kasi 'di pa namin ganun ka-accepted ang Eraserheads. Sila Ely kasi yung front act kaya sabi namin, practice nalang muna kami. Tutal, 8pm pa naman yung gig, siguro mga 9pm na mag-start 'yun.

Langya, nung nakapila na kami sa labas ng Araneta, Foo Fighters na yung naririnig naming tumutugtog. Halos gusto na naming magsuntukan ng mga kasama ko dahil sa sisihan. Ang hirap pa naman pumasok kasi sobrang higpit ng security sa labas. Nagdadasal nalang kami na sana ay pinapatugtog lang yung album nila sa sound system.

Noong nasa loob na, mga three songs nalang 'yung naabutan namin. Paksyet talaga. Buti nalang narinig pa namin yung "Alone + Easy Target". Iyon kasi favorite ko sa debut album nila. Ang bilis ng pangyayari... 'di ko masyadong napanood sila Dave Grohl. Abala kasi kami kung paano makakapunta sa baba. Nasa General Admission seat lang kami pero nagiba na yung mga rehas kaya pwede ka nang tumalon pababa. Walang bollocks dito, puro music lovers. Maraming mag-aabang sa'yo sa baba para saluhin ka. Noong una, ayoko pang tumalon kasi more than ten feet yung taas. Napatalon nalang ako nung malapit na akong hulihin ng guards!!

Next performer ang Beastie Boys. These white guys can really rap! Noong una, 'di rin sila tanggap masyado dito eh. Pero nung lumabas yung single nila na "Sabotage", nagustuhan sila ng mga Pinoy. Astig din kasi yung video nun. Actually, yun nga lang din ang alam kong kanta nila at that time kaya yun lang ang inaabangan ko. Nng napanood ko na sila, I was really impressed. Marunong silang sumayaw, mag-rap at humawak ng instrumento. Multi-talented. Yun nga lang, nagkaroon sila ng technical difficulties that lasted for about fifteen minutes. Parang nasira yung monitor speakers. Habang ginagawa ng mga technicians, we heard them playing Elastica's "Connection".

Last Performers ang godfathers of Grunge, Sonic Youth. kahit na ano pang sabihin ng iba na puro feedback lang ang tunog nila, musical genius sila para sa'kin. Ang dami nilang gitara.. iba-iba kasi ang tuning per song. Sila ang pinakamalufet sa lahat. From "100%", "Drunken Butterly", "Bull in the Heather", to their finale song "The Diamond Sea", every musical moment is an experience. Astig yung napunta sa stage yung pinalobong condom. Natuwa si Thurston Moore.

MOONPOOLS AND CATERPILLARS LIVE!

August 31, 1996, CCP Complex

This US-based Pinoy band visited the country to give us a memorable concert experience. I won the tickets from NU107. Kakantahin mo lang yung jingle ng Burger Machine and you'll have two invites. Kahit na nakakahiya, ginawa ko yun for the tickets. Kina Mathew ako nakitawag kaya siya yung kasama ko sa gig na ito.

Sugar Hiccup opened for them. They played almost all of their hits except for "Five Years" which everyone was screaming for. Nice move. Taena lang yung mga taong nakinood na  'yun lang ang alam sa kanta nila.

Having a babe on the microphone really gives me goosebumps. Ang ganda ng boses ni Kimi. Ang kulit pa mag-perform.

FREAK SHOW - SILVERCHAIR

June 22, 1997, UP Theater

Me and my cousin Badds were able to attend this gig courtesy of NU107. Dinaya pa namin yung DJ kasi may pa-contest sila na kailangan mong pakausap yung tatay or nanay mo na pinapayagan kang manood ng gig nila. Eh wala sina erpats sa bahay kaya si Badds nalang ang pinakausap ko na kunwari eh tatay ko. Nabuko kami ng DJ dahil parehong bata yung boses namin. Off-air, sinabihan ng DJ na dalhin ko daw yung tunay na tatay ko otherwise, 'di ko makukuha yung invites. Eh busy pareho erpats namin kaya authorization letter lang ang dinala ko sa station nila. When I claimed the tickets, pumayag naman sila pero 'wag na daw kami ulit magsisinungaling!

Hindi ko pa masyadong matanggap ang Silverchair that time 'cause they reminded me of Nirvana. Kakamatay lang ni idol noon kaya di ko sila masyadong pinapansin. pero dahil libre nga, pinanood ko na rin.

When we got to the venue, kakaiba yung crowd. Ang daming teenager na malilinis at magaganda ang kutis. De-kotse. Yung naka-brace ang ngipin. Yung tipong konyo type kids na nag-date lang dun kasi crush nung liniligawan niya si Daniel and the rest of the band. Not the usual crowd you expect in an event like it.

Anyway, sa loob ng theater, you can go anywhere you want kasi wala namang harang o bantay. Kung meron man, kilala namin yung mga bouncers kasi nakakasama rin namin sila sa mga underground concerts sa UP.

Two local band played before them. Actually Razorback lang yung nakalagay sa ticket pero sinama nila yung Wolfgang. Then there was Hangar 18 from Australia.

The band played around thirteen songs and finished in over an hour. Nakakaasar lang kasi Daniel kept on saying that they will play ang electric version of "Cemetery" pero di naman nangyari. Nagkaroon din sila ng technical problem sa speakers kasi ang likot ni Daniel tumugtog. Takbo nang takbo. Pero talagang makaka-impress siya kasi he did that while doing the guitar leads and vocals all at the same time.

After "Tomorrow", Daniel said in a song-like manner, "Man-nil-la, tastes like vanilla, someone tried to kill her, 'cos she stole my pillar!" Then, "That was a song called Manila, about this girl I picked up round the corner for 15 dollars."

After the show, I became a Silverchair fan.

RAGE AGAINST THE MACHINE

July 19, 1997, Cuneta Astrodome

Zach Dela Rocha's birthday gift to me in 1997. As usual, sa bleachers lang ang binili kong ticket kasi mahal for a college student ang bumili ng ticket ng foreign acts.

Parang sa Silverchair, Wolfgang lang dapat yung front act pero biglang kasama na rin ang Razorback. Tropa kasi sila kaya yata ganun.

When the lights turned off, nagiba nanaman ang mga rehas. Ten feet ulit yung tinalon ko pababa. Nagulat ako kasi biglang katabi ko na yung classmate ko nung Highschool na si Ryan Neil Elefante.

The crowd that night is really wild. I remember hearing from the crew of ABS-CBN, "Kaya pala nababaliw yung mga bata sa kanila kasi ang gagaling eh".

I was actually more on the technical side of the concert. I'd like to see how Tom Morello do those guitar tricks! Ang problema, everytime na gagawin niya yun, umiilaw yung malaking spotlight sa likod niya. Kahit naka antipara ka, di mo makikita kasi masisilaw ka lang.

After the concert, wasak ang Cuneta Astrodome. Dalawang upuan yata yung nasira ko sa kakatalon.

Ang daming bumisitang foreign artist dito sa atin noong dekada nobenta. Ang nakakatuwa, kasikatan pa nila yun. Unlike ngayon na pilit na pinapapunta ng mga producers na gustong kumita ng pera yung mga laos na artists galing abroad.

Marami rin akong namiss na concerts:

METALLICA - Hiniram kasi ng pinsan kong si Bambie yung 300 pesos ko na pinambayad niya sa Graduation niya na di naman binayaran sa akin. Inipon ko pa naman yun.

PEARL JAM - Walang pa-contest sa NU107. Ang mahal ng ticket kasi sa CCP ginawa.

CRANBERRIES - Walang perang pambili ng ticket.

BON JOVI - Ayoko sila kasi napatalsik nila ang "November Rain" sa LSFM Countdown

NIRVANA - Di natuloy kasi nagpakamatay si Kurt

GUNS N' ROSES - Linaktawan ang Pilipinas sa Asian Tour nila

MICHAEL JACKSON - Nag-inuman lang kami nila Nikki at Michelle habang nagpa-practice ng "Say It Ain't So" ng Weezer. Nahuli tuloy kami ng mga lespu sa Greenhills sa kasong "beating the red light" at "drunk driving"!

OASIS - Nakabili na kami ni Badds ng ticket kaso nagpa-refund kasi natakot daw yung producer sa mga bombings dito sa atin. Na-cancel din yung kay Aaron Carter nun, alam ko.

Sana, magkaroon ulit ng mga "Quality Concerts" dito sa Pilipinas tulad noong Dekada Nobenta...