Salo-Salo sa Lunch Date

Halos kasing-tanda ko ang Eat Bulaga. Ipinagmamalaki ng mga da barkads ang kanilang ikatlong dekada nila sa telebisyon dahil hanggang ngayon, 'di pa rin matinag ang trio nila Tito, Vic, and Joey kahit na 'di na sila bumabata sa paglipas ng panahon. Ilang noontime shows na ang pinataob ng tinuturing na pundasyon sa oras ng siesta ng mga Pinoy.

Dekada NoBenta na nang magkamalay ako sa mga noontime shows. March 10, 1986 unang nag-air ang "Lunch Date" sa GMA Network, nineties ko na na-appreciate yung mga kalokohan ng mga hosts na paboritong pinapanood ng ermats ko. Yung batch na nila Toni Rose Gayada ang medyo naaalala ko. Siya nalang ang natira sa original cast kasama sila Rico J. Puno, Orly Mercado, at Chiqui Hollman.

Dahil naisip siguro ng Channel 7 na medyo oldies na ang naunang tropa, pinalitan nila ang line-up ng hosts. Pinaghalo nila ang old and new faces tulad nila Keno (ano ba apelyido niya?!), Jon Santos, Fe Delos Reyes, Pilita Corrales, Dennis Padilla, Lito Pimentel, Tina Revilla, Sheryl Cruz, Louie Heredia, Willie Revillame, at Randy Santiago.

Si Ratsky ang dahilan kung bakit pinapanood ng nanay ko ang show na ito. Sobrang sikat niya noong mga panahong iyon - sa radyo, tv, at sinehan, patok na patok. Ang totoo, isa lang si Willie sa mga "Hawi Boys" o bodyguard ni Randy. Peksman (facts, man!). Magaling ang naging strategy ng Siete sa paggamit sa nagpasikat sa mga kanta tulad ng "Hindi Magbabago" at "Babaero".

Naging idol pa nga ng kapatid kong si Pot ang nagpasikat din ng shades. Mga kanta dati ni Teroy ang inilalaban ni utol sa mga singing contests. At sino b naman ang 'di nakakita ng vandalized five-peso bill noong kasikatan niya? Kamukha naman talaga ni Gen. Emilio Aguinaldo kapag may shades at nunal na.

Maraming segments ang Lunch Date. Ang ilan sa mga sumikat dito ay ang "Modus Operandi" - comedy sketch nila araw-araw. "Dear Kuya Randy, PS Kuya Lito" na spoof ng mga anthology at advice shows. "Mister Dream Boy" , talent search based sa kanta ni Sheryl Cruz na host din ng show. "Munting Mutya Philippines" na pantapat sa "Little Miss Philippines". At sino ba naman ang makakalimot sa mga pamatay na adik na tirada sa "Power Words" ni Toni Rose Gayda na parang sinaunang "Ang Dating Doon"?

Sayang ang effort dahil noong namatay ang Randy-mania, nawalan na ng spark ang kalaban ng EB. Ang last show nila ay noong March 6, 1993. Nag-decide ang management ng GMA na magreformat. Sila Randy at Dennis lang ang na-retain sa cast. First aired on March 8, 1993, isinama sa dalawa sila Smokey Manoloto, Giselle Sanchez, Liezl Martinez, Joy Ortega at Anjanette Abayari. Binago nila ang title to "Salo-Salo Together" o "SST".

After ilang months na lumabas sa ere, medyo nakaarangkada ang bagong show na ito against sa rival nilang EB. Mas na-appreciate ng mga Pinoy ang mga bagong pakulo dito tulad ng "Knock Knock, Hello" kung saan bibigyan ka ng wall clock pag nakita ng crew na may sticker ng SST ang gate o pinto ng bahay niyo. Sumikat din ang segment na "Grabe!" na parang live studio version ng "Who Dares Win". At "Sari-Sari Stories" na gumagawa ng spoof on popular Pinoy movies and pop culture. Dito nabigyan ng break sila Ai-Ai Delas Alas at Bayani Agbayani na parehong nagsimula sa mga roles na laging kinakawawa.

Pero kahit na gumaganda ang ratings, napabalita na lilipat ang Eat Bulaga sa Siete dahil 'di sila nagkasundo ng Dos. Tsismis lang sa simula pero sa New Year Episode ng SST noong December 31, 1994, pinasabog ni Randy ang katotohanan. Sayang dahil 'di nila na prove yung sarili nila na puwede silang makipagkumpitensya sa TVJ and company.

Pero 'di naman agad nawala ang SST dahil ginawa silang pre-program tuwing 10:30am bago mag-Bulaga. January 27, 1995 ang last airing nila as a "noontime show". Binago ang format nila into a talkshow para itapat sa "Teysi ng Tahanan" ng Dos. First aired on January 30, 1995, nagkaroon si Giovanni Calvo ng segment sa SST na "Katok Mga Misis". Chika on the latest news and intrigues.

Siguro dahil sa lack of motivation ng mga hosts, bumaba ang ratings ng SST hanggang sa namaalam na ito noong July 28, 1995.

Sa kultura nating mga Pinoy, 'di na yata mawawala ang mga noontime shows. Maaring nakalimutan na natin ang mga primetime variety shows tulad ng "Superstar", "Vilma in Person", "Tonight with Dick and Carmi" na napalitan ng mga lecheseryes, fantaserye, paskoserye at iba pang lecheserye, 'di na mawawala sa panlasa natin ang rivalry ng giant networks tuwing hapon.

Sila lang naman ang nagsisilbing patis sa hapag-kainan natin tuwing alas-dose ng tanghali!